ياربوع السوق

إهداء لك أخي أبو تسنيم




ياربوع السوق يا نبع الهدى ياملْهمنيّ
يا ديار العز . والمجد التليد إنتَ ابوابه

ياشعاع الفكر يا رمز الحضارة ياهونّي
يا مروّض قسوة الصحرا على كثرة صعابه

شفت لو أكتب شعوري في غلاك اللي سكني
جفت أقلامي . وفكري ما اتعبه طول الكتابه

كنت أحَسْب إنك كبيرِ(نْ) وحرام فيك التِّجنِّي
لين عرفت إنه زماني ما بعد ماتت كلابه

آه من شيِّ(نْ) أحسه في الحشا شيِّ(نْ) غَبنِّي
يستهلّ الدمع وآنا فيني شي امْنَ الصلابه

باسألك ياكاتب (التاريخ) . ياراعي التجني
ليه بس أهل العقول الهايفه مثل الذبابه ؟!!

ليه وإنت اللّي يقول الربع تكبرني بسني
ليه تنزل في غويط (ن) وإنت ما تحسب حسابه

لد وضعك . شوف قدرك . كم عمرك يالمسني
اطلب الرحمه من اللي رحمته تسبق عذابه


ويا مهددنا تروى شايفك راكبْك جني
والجنون اللي تأزك تَبْشِر ابشر الذيابه

أشهد إنّ أحلامنا تازن جبال (ن) ما تدني
وإن ركبنا الصعب طاشت واستشاطت في عبابه

خل عـنْك الهرج . تدري لا يعنيك التمني
الكبير يبقى كبير(ن) والصغير ياكل ترابه

قالها قبلي رفيقي (أحمد) النخوه لو إني
ابديرته حبيت خشمه من غلا حضرة جنابه

يابو تسنيم القوافي فيك لا ما خاب ظني
ويلهم ويلاه يوم إنك تعصّب بالعصابه





وسلامتكم ياهل السوق وعساكم ع القوه